【做金庸的男人 x Takki 作者座談會】
- dokumanhkinfo
- 2023年6月5日
- 讀畢需時 2 分鐘
《迴響》長篇連載小說，由 做金庸的男人 創作嘅《是咁的，廿一歲有咗，所以我要做有錢人》，以及由 @Takki創作嘅Cyber Punk科幻小說《電都列傳-嫖客-》，兩本作品睇落好似大纜都扯唔埋，其實意外地有好多共通點。
今次我哋搵呢兩位作者一齊舉辦第一場「《迴響》ｘ漫讀文化」嘅作者座談會，做金庸的男人、Takki都會講吓點解會分別以作品女主角第一人稱視點創作故事，同埋佢哋寫作面對嘅問題。
<朗讀內容>
今次作者座談會特別有一個「朗讀環節」，由兩位作者由作品入面選出一段內容，再由編輯部選出合適嘅聲音，喺座談會當日會喺現場演繹出嚟。
《是咁的，廿一歲有咗，所以我要做有錢人》嘅選段，係一段爭吵情節，素怡被補習學生嘅家長發現有咗，點知家長竟然因為咁而炒咗素怡。當然家長有佢嘅立場，但係素怡亦都努力解釋。喺呢段爭吵情節會見到素怡嘅決心，同埋講出點解佢會咁努力嘅原因。
《電都列傳-嫖客-》嘅選段，係最後一場道別嘅戲份。林婉蕊面對一班曾經受過迫害、靈魂已經支離破碎嘅小朋友，決定送佢哋最後一程，當中包括中學時期嘅校園大家姐張家姐。張家姐仍然係中學嗰陣咁樣，佢哋兩個女仔Girls’ Talk到最後終歸一別。
今次負責朗讀嘅成員，雖然都有過配音經驗，但係都係第一次現場朗讀演出。為咗做好朗讀嘅環節，佢哋都加緊練習，希望到會畀到最好嘅演繹大家欣賞。
★《是咁的，廿一歲有咗，所以我要做有錢人》
素怡：CV 岑蓁瑋 Hazel
<曾演出作品>
［漫畫廣播劇］《墜落》桶子
學生母親：CV 葉純均 Harmony
<曾演出作品>
［廣告］2023岡本代言人＠岡本Sensei［動畫］《關於我轉生變成史萊姆這檔事》緹絲、萊茵
★《電都列傳-嫖客-》
林婉蕊：CV 張希婷 Tiffany ＠s.tiffcht
<曾演出作品>
［動畫］《關於我轉生變成史萊姆這檔事》紫苑［動畫］《鬼滅之刃 遊郭篇》牧緒
張家姐：CV 葉純均 Harmony
<曾演出作品>
［廣告］2023岡本代言人＠岡本Sensei［動畫］《關於我轉生變成史萊姆這檔事》緹絲、萊茵
＋＋＋＋＋＋＋
<活動資料>
日期：2023.6.10(六)
時間：14:30～16:30
地點：Heal Club 漫畫酒吧
（4/F 宇宙商業大廈 / 銅鑼灣告士打道229-230號 / 近鵝頸橋）
名額：限定30人
<主講作者>
做金庸的男人 主講作品：《是咁的，廿一歲有咗，所以我要做有錢人》
Takki 主講作品： 《電都列傳-嫖客-》
<主持>
伊死 《迴響》總編輯、 《電都列傳-嫖客-》責任編輯
<費用> 成功報名人士會個別通知付款細節。
HK$100 提供一般飲品＋小食
HK$150 提供《電都列傳》主題紅酒一杯＋小食
<活動內容>
◆作者對談◇現場簽名◆既刊發售◇原文朗讀
＋＋＋＋＋＋＋
留言